കൊച്ചി: നടിയുടെ പീഡന ആരോപണത്തിനു പിന്നാലെ അമ്മ ജനറല് സെക്രട്ടറി സ്ഥാനത്തുനിന്നും നടന് സിദ്ദിഖ് രാജിവെച്ചു. സംഘടനാ പ്രസിഡന്റ് മോഹന്ലാലിന് സിദ്ദിഖ് രാജിക്കത്ത് അയച്ചു. തനിക്കെതിരെ ഉയര്ന്ന ആരോപണങ്ങളുടെ പശ്ചാത്തലത്തില് സ്വമേധയാ രാജി വെക്കുന്നു എന്നാണ് സിദ്ദിഖ് മോഹന്ലാലിന് അയച്ച കത്തിലുളളത്.
നടന് സിദ്ദിഖ് ഉപദ്രവിച്ചെന്നു യുവനടി രേവതി സമ്പത്ത് ഇന്നലെ ആരോപിച്ചിരുന്നു. പല സുഹൃത്തുക്കള്ക്കും സിദ്ദിഖില് നിന്ന് ഇതേ അനുഭവം ഉണ്ടായിട്ടുണ്ടെന്നും അവര് വെളിപ്പെടുത്തിയിരുന്നു.
പ്ലസ് ടു കഴിഞ്ഞ സമയത്ത് സമൂഹമാധ്യമം വഴി സിദ്ദീഖ് ബന്ധപ്പെട്ടിരുന്നു. പിന്നീട് സുഖമായിരിക്കട്ടെ എന്ന സിനിമയുടെ പ്രിവ്യൂ ഷോ കഴിഞ്ഞ് മസ്കറ്റ് ഹോട്ടലില് ചര്ച്ചയ്ക്കു വിളിച്ചു. അന്ന് എനിക്ക് 21 വയസ്സാണ്. അയാളെന്നെ പൂട്ടിയിട്ടു. അവിടെനിന്നു രക്ഷപ്പെടുകയുമായിരുന്നു- നടി പറഞ്ഞു. 2019 ല് തന്നെ ഇക്കാര്യം തുറന്നുപറഞ്ഞിട്ടുണ്ടെന്നും സിനിമയില്നിന്നു മാറ്റിനിര്ത്തിയതിനാല് ഇപ്പോള് ഒന്നും നഷ്ടപ്പെടാനില്ലാത്തതുകൊണ്ടാണു സധൈര്യം തുറന്നുപറയുന്നതെന്നും നടി വിശദീകരിച്ചു.
/loading-logo.jpg
No comments:
Post a Comment