കൊച്ചി: എഎംഎംഎ ജനറൽ സെക്രട്ടറി നടന് സിദ്ദിഖിന്റെ് രാജിയില് പ്രതികരിച്ച അമ്മ വൈസ് പ്രസിഡന്റ് ജയന് ചേര്ത്തല . കഴിഞ്ഞ ദിവസം യുവനടി സിദ്ദിഖിനെതിരെ ലൈംഗികാരോപണം ഉന്നയിച്ചിരുന്നു. ഇതിന് പിന്നാലെയാണ് രാജി. ഇത്തരം ഒരു ആരോപണം വന്നാല് ഒരു സംഘടനയുടെ നേതൃസ്ഥാനത്ത് തുടരുന്നത് ശരിയല്ല എന്നാണ് സംഘടനയുടെയും എന്റെയും വ്യക്തിപരമായ അഭിപ്രായം എന്ന്ജയന് ചേര്ത്തല പറഞ്ഞു. സിദ്ദിഖിന്റെ ഔചിത്യം വച്ചാണ് അദ്ദേഹം രാജിവച്ചത് എന്നും ജയന് ചേര്ത്തല പറഞ്ഞു.
ഈ ആരോപണത്തില് അന്വേഷണവും നിയമ നടപടികളും സിദ്ദിഖ് നേരിടുകയാണ് വേണ്ടതെന്നും ജയന് ചേര്ത്തല പറഞ്ഞു. അന്വേഷണത്തിന് ശേഷം ബാക്കി കാര്യങ്ങള് തീരുമാനിക്കാം. ഇതില് ബാക്കി സംഘടന തീരുമാനങ്ങള് ഇപ്പോള് എടുത്തിട്ടില്ല. സിദ്ദിഖ് തന്നെയാണ് രാജിക്കാര്യം അമ്മ ഭാരവാഹികളെ അറിയിച്ചത്.
ഇത്തരം ഒരു ക്രിമിനല് ആരോപണത്തെക്കുറിച്ച് മുന്പ് അമ്മ തിരഞ്ഞെടുപ്പ് സമയത്ത് തന്റെ് ശ്രദ്ധയില്പ്പെട്ടിട്ടില്ലെന്നും ജയന് ചേര്ത്തല പറഞ്ഞു. ഇപ്പോള് ഈ ആരോപണം വളരെ വ്യക്തമായി പുറത്തുവന്നിരിക്കുകയാണ്. ചലച്ചിത്ര അക്കാദമി ചെയര്മാന് രഞ്ജിത്തിന്റെ് കാര്യത്തില് അദ്ദേഹത്തിന്റെ് സ്ഥാനത്ത് ഞാനാണെങ്കില് ഇന്നലെ തന്നെ രാജിവയ്ക്കുമായിരുന്നുവെന്നും ജയന് ചേര്ത്തല പ്രതികരിച്ചു.
അതേസമയം പ്ലസ് ടു പഠിക്കുന്ന സമയത്താണ് സിദ്ദിഖ് തന്നോട് മോശമായി പെരുമാറിയതെന്നും 2019ൽ തന്നെ ഇക്കാര്യം പൊതു സമൂഹത്തിൽ തുറന്നുപറഞ്ഞിട്ടുണ്ടെന്നും നടി രേവതി സമ്പത് മാധ്യമങ്ങളോട് പറഞ്ഞിരുന്നു. പീഡനം നേരിട്ടുവെന്ന് തുറന്നു പറഞ്ഞതിന് പിന്നാലെ സിനിമയിൽ നിന്നും മാറ്റി നിർത്തപ്പെട്ടെന്നും അവർ കൂട്ടിച്ചേർത്തു. സിദ്ദിഖ് ഇപ്പോൾ പറയുന്നതെല്ലാം കള്ളമാണെന്നും താനടക്കമുള്ള എല്ലാ അതിജീവിതമാരോടും ചെയ്തിരിക്കുന്നത് ബലാത്സംഗമാണെന്നും അവർ പറഞ്ഞു. സ്വയം കണ്ണാടി നോക്കിയാൽ അദ്ദേഹത്തിന് ക്രിമിനലിനെ കാണാമെന്നും രേവതി പറഞ്ഞു.
/loading-logo.jpg
No comments:
Post a Comment